البكج البلاتيني

فريمات أعلى، ودروبات أقل، وبنق أثبت، في جلسة وحدة.

تحس اللعبة تتقطع وقت الفايت، أو البنق يلعب وأنت في نص الروند؟ البكج البلاتيني يجمع تويك الأداء وتويك النت، ونضبط فيه جهازك كله على ألعابك: من ويندوز والكرت لين البيوس والنت.

📦 وش تاخذ بالضبط

• ✅ تويك الأداء كامل: 6 أجزاء، للفريمات والدروبات وديلاي جهازك.
• ✅ تويك النت كامل: 3 أجزاء، للبنق واللاق اللي يجي من جهازك.
• ✅ طلب واحد وجلسة وحدة بـ 322 ريال، بدل 350 لو تطلب كل وحدة لحالها.
• ✅ نقطة استعادة لويندوز قبل ما نبدأ.
• ✅ ضمان 6 أيام بعد الجلسة: أي مشكلة في شغلنا نحلها لك.
• ✅ قسّطه على 4 دفعات مع تابي أو تمارا.
• 🎁 تقدر تهديه لخويك.

📊 كم الفرق على جهاز قوي؟

🖱️ تحس الماوس أخف، واللعب أسلس، على الجهاز اللي قسنا عليه:

• ⚡ في مارفل رايفلز، ثلث ديلاي الجهاز راح.
• 📈 وفريماتك وقت الدروبات تضاعفت.
• 🧩 من تويك الأداء بس، وبدون ما تتغير ولا قطعة. وكل الأرقام في صفحة البنشماركات.

مثبت علميا وبالأدلة: قسنا على جهاز فيه i7-14700K وRTX 4080 SUPER، ببنشماركات ثابتة ونفس الاختبار قبل تويك الأداء وبعده، وكل بنشمارك 3 دقايق:

في كل لعبة حطينا أوضح فرق، وأرقام الفريمات كاملة في الصورة تحت.

ليه نقيس الـ Lows مب المتوسط بس؟ مثلا، جهازك يطلّع 300 فريم بالمتوسط، وكل كم ثانية يتأخر فريم واحد. المتوسط ما يتحرك تقريبا، بس أنت تحسه تقطيعة في نص الفايت. والـ Lows هي فريماتك وقت الدروبات، فهي اللي يبان فيها التقطيع. وهذا اللي صار في مارفل رايفلز: المتوسط زاد أقل من 1%، والفرق الكبير كان في الـ Lows.

وحتى المتوسط زاد في فورتنايت، من 349 إلى 542.

🤔 ليه فرق الديلاي كبير؟

• ديلاي جهازك مب مثل البنق: البنق بينك وبين السيرفر، وديلاي جهازك بين حركة ماوسك والفريم اللي تشوفه، فتحسه في كل حركة.
• وأنت تأيّم على اللي ضدك، تعدّل إيمك مرة ورا مرة، وكل تعديل ما يطلع على الشاشة إلا بعد هالديلاي.
• وفي اختبارات رايوت على فالورانت، فايتات كثيرة بين لاعبين متقاربين يحسمها فرق من 20 إلى 50 ملي ثانية، وديلاي جهازك يفرق فيها.

📷 شوف صورة البنشماركات كاملة، وصورة قياس الديلاي قبل تويك الأداء وبعده.

✨ وش تحس في كل جزء

تويك الأداء، والتفاصيل في صفحته:

• تويك التايمر: ثبات بالفريمات.
• تويك الكرت: ديلاي جهازك أقل.
• تويك المعالج والطاقة: دروبات أقل وسط الفايت.
• تويك البيوس: بورد جهازك مضبوط على اللعب.
• تويك ويندوز: ويندوز أخف، في اللعب وبرا اللعب.
• تويك أولوية ألعابك: لعبتك تاخذ حقها أول.

تويك النت، والتفاصيل في صفحته:

• تويك كرت النت: اللاق اللي يجي من جهازك يخف.
• تويك إعدادات النت: بنق أثبت وقت الفايت.
• تويك أولوية بيانات لعبتك: البنق يلعب أقل وأنت ترفع أو تبث.

🎯 البكج يناسبك إذا

• تلعب تنافسي وتبي كل فريم، في فالورانت أو فورتنايت أو مارفل رايفلز أو أوفرواتش أو غيرها.
• تحس بتقطيع ودروبات، حتى وجهازك قوي.
• البنق يلعب وقت الفايت.
• تبي الأداء والنت مع بعض، في جلسة وحدة وبسعر أوفر.

⛔ وما يناسبك إذا

• فيه قطعة خربانة: التويك يضبط جهازك، وما يصلّح عطل.
• المشكلة من مزود النت أو بُعدك عن السيرفر: هذا برا جهازك.
• تبي نعدّل إعدادات داخل اللعبة: ما نلمسها.

📏 عدد البروسس ما يقيس شي

«قفلنا لك كذا بروسس» رقم يبان كبير، بس ما يقيس شي: البروسس النايم ما ياخذ من المعالج شي يذكر، وقفل مية منها ما يغيّر فريماتك. اللي يضر هو البروسس اللي يصحى وقت اللعب ويزاحم لعبتك، وواحد بس مثل كذا ممكن يسوي دروبات ما تسويها مية بروسس نايمة.

وملفات التويك الجاهزة من يوتيوب نفس الشي: واحدة لكل الأجهزة، وبعض إعداداتها ويندوز ما عاد يقراها أصلا في الألعاب الجديدة. وفي تتش نعرف وش يسوي الإعداد قبل ما نلمسه، بعد بحث وهندسة عكسية، ونقيس على جهازك كل إعداد يحتاج قياس. وكل ضبط نختاره أقوى شي يتحمله جهازك، بشرط يبقى ثابت.

وش تسأل أي متجر تويك قبل تدفع؟ جمعنا لك 7 أسئلة مع أجوبتنا في صفحة «ليه تتش؟»

📋 وش تجهّز قبل تطلب؟

• ويندوز 11 بالإنجليزي، والأفضل نسخة LTSC. جهازك مب ويندوز 11، أو لغته مب إنجليزي؟ اختر «ترقية ويندوز 11» وقت الطلب، ونثبّت لك LTSC بالإنجليزي قبل التويك. والترقية فيها فورمات، فخذ نسخة من ملفاتك المهمة قبلها.
• برنامج Parsec: نزّله على جهازك وسجّل فيه، لأننا نوصل لجهازك عن طريقه.
• قطع سليمة، ونتك ما فيه مشكلة من المزود.
• تبي موعد محدد؟ اسألنا على الواتساب قبل تطلب.

🕒 وش يصير بعد ما تطلب؟

1. تدفع في المتجر مرة وحدة، أو على 4 دفعات مع تابي أو تمارا.
2. نكلمك على الواتساب ونتفق معك على موعد.
3. وقت الموعد تفتح Parsec وتضيفنا، والباقي علينا. ما تحتاج تقعد عند جهازك، إلا إذا أضفت الترقية.
4. ناخذ نقطة استعادة لويندوز قبل ما نبدأ، وبعدها نشتغل على الأداء والنت كامل.
5. ترجع لجهازك وتجرّب ألعابك، ومعك ضمان 6 أيام بعد الجلسة.

🙋 أكثر شي يسألونا عنه

جهازي قوي، يحتاج تويك؟
ايه. القطع القوية تجي على نفس إعدادات ويندوز العامة، مب مضبوطة على اللعب. وأرقامنا فوق من جهاز قوي فيه i7-14700K وRTX 4080 SUPER: الـ ‎1% Lows‏ في فورتنايت زادت 66%.

التويك يخرب ويندوز؟
نشيل الزوايد ونضبط اللي يفرق في اللعب، وويندوز يبقى ثابت وأخف حتى برا اللعب. وقبل ما نبدأ ناخذ نقطة استعادة لويندوز.

ينزّل البنق؟
يثبّته أكثر: اللاق اللي يجي من جهازك يخف، فالبنق يلعب أقل وقت الفايت، وخصوصا مع 5G. أما رقم البنق نفسه، فينزل شوي بس، لأن أغلبه يحدده مزود النت وبُعدك عن السيرفر.

كم فريم بيزيد؟
يختلف من جهاز لجهاز ومن لعبة للعبة، فما نوعدك برقم. على الجهاز اللي قسنا عليه، متوسط الفريمات في فورتنايت زاد من 349 إلى 542، وفي أغلب الألعاب كان أكبر فرق في الـ Lows، يعني الدروبات خفّت.

التويك يروح مع الوقت؟
لا، يبقى معك. الفورمات يمسح التويك اللي على ويندوز، وتويك البيوس يبقى لين تسوي ريست للبيوس أو تحدّثه.

أقدر أهديه لخويي؟
ايه. اختر «إهداء الخدمة» وقت الطلب، ونرتب الجلسة مع خويك.

اطلب البكج البلاتيني، ونكلمك على الواتساب نرتب موعدك.

✅ متجر سعودي موثّق في المركز السعودي للأعمال، ومعك ضمان 6 أيام بعد الجلسة.